Пышақ тиген мектеп директорының жағдай жақсарып келеді

Астанада пышақ жарақатымен ауруханаға түскен мектеп директорының жағдайы жақсарып келеді. Бұл туралы Астана қалалық денсаулық сақтау басқармасының баспасөз қызметі хабарлады.
«26 ақпанда жедел жәрдем бригадасы пациентті №2 қалалық көпбейінді ауруханасына жеткізді. Жағдайының ауырлығын ескере отырып, пациент шұғыл түрде емдеу үшін кеуде хирургиясы бөліміне жатқызылды. Сол күні оған операция жасалды. Қазіргі уақытта науқастың жағдайы қанағаттанарлық, операциядан кейінгі кезеңге сәйкес келетіні» жазылған денсаулық сақтау басқармасының хабарламасында. Бас қаланың білім басқармасы да пышақ тиіп жарақат алған пациенттің елорда мектептерінің бірінде директорлық қызмет атқаратынын растады.

JQ-Aqparat