Президент: Жылу құбырлары апатты жағдайда

Мемлекет басшысы Қасым-Жомарт Тоқаев Қостанай облысына сапары барысында, ең алдымен Рудный қаласына барды. Президент жылу құбырындағы жарылыс салдарымен танысып, өңір басшылығының қалпына келтіру жұмысы туралы баяндамасын тыңдады. Бұл туралы JQ-Aqparat Ақордаға сілтеме жасап хабарлайды.
« Жалпы, еліміз бойынша да, осы облыста да жылу құбырлары апатты жағдайда тұр. Жағдай өте ауыр.Үкіметке бүгіннен бастап, әсіресе көктем және жаз айларында қысқы жылыту маусымына мұқият дайындалуды тапсырамын. Бұл – атқаратын басты міндет, себебі мұны созбалаңға салуға болмайды.Желілердің тозу деңгейі өте жоғары, 70, 80, кейбір жерлерде тіпті 90 пайызға дейін жетеді. Осы жұмыстармен айналысу қажет», — деді Президент.