Президент Түркияға барады

Ертең, яғни 16 наурыз күні мемлекет басшысы Қасым-Жомарт Тоқаев Түркия президенті Режеп Тайып Ердуанның арнайы шақыруымен осы елге барады. Қ.Тоқаев Анкарада Түркі мемлекеттері ұйымының кезектен тыс саммитіне қатысады деп хабарлады Ақорда.

«Іс-шара барысында Ұйымның апат пен төтенше жағдайлар менеджменті және гуманитарлық көмек саласындағы қызметінің басым бағыттары, соның ішінде табиғи апаттарға қарсы күрес жөніндегі ынтымақтастықты үйлестіруге және нығайтуға қатысты мәселелер қарастырылатынын» хабарлады Ақорда сайты. Түркияда Қ.Тоқаевтың Р.Ердуанмен кездесуі де жоспарланып отыр.

JQ-Aqparat