Президент ауыл тұрғынына қонаққа барды

Жамбыл облысына жұмыс сапарымен барған мемлекет басшысы Қасым-Жомарт Тоқаев Байзақ ауданының Қостөбе ауылында жергілікті тұрғынның тыныс-тіршілігімен танысты деп хабарлайды JQ-Aqparat akorda.kz-ке сілтеме жасап.
Президент Қ.Тоқаев Қостөбе ауылының тұрғыны Саламат Рахманбердиевтің үйінде болып, қарапйым шаруа адамының қазіргі тіршілігін көріп қайтты.

«Ауыл тұрғыны Саламат Рахманбердиев 2020 жылы «Ауыл аманаты» бағдарламасы аясында 2,5 пайызбен 3,6 миллион теңге несие алып, 6 бас мүйізді ірі қара, 3 бас жылқы, 10 бас қой сатып алған. Кәсіпкер мал бордақылап сатумен айналысады. Қазір төл басын арттырып, тапқан табысына жүк көлігін сатып алған. Ол өз нәпақасын табумен қатар, ауылдың екі тұрғынын жұмыспен қамтып отырғанын» жазды akorda.kz .