Полиция полицияны бопсалапты

Полицияда да әлімжеттік бар. Әлі жеткен шенді қол астындағы қызметкерді пара беруге мәжбүрлейді.

Алматы облысындағы Талғар аудандық соты жол –патруль взводының екі командиріне қатысты істі қарап жатыр. Бұлар мамыр айында Ұлттық жемқорлыққа қарсы тұру бюросының Алматы облысы бойынша департаменті тарапынан қамауға алынған болатын. Tenngrinews. kz сайты хабарлағандай, қос командирдің «таксасы» 1000 -10000 теңге арасында болған. Олар пара алу үшін осы ауданда орналасқан бір қонақ үйді жалға алыпты. Бірнеше бопсалады деген айыппен сотталып жатқан бұл екеуі ірі көлемде айыппұл төлеуі немесе ұзақ жылға бас бостандығынан айырылуы мүмкін.