Полицейдің киімін жыртқанға жаза қандай?

Шарбақты ауданында билік өкілінің талабына бағынбағаны үшін 23 жастағы азамат уақытша ұстау изоляторына тоғытылды. Облыстық ІІД баспасөз қызметінің мәліметінше, ішімдікке тойып алған ер адам дәмханада отырып, жанындағыларға балағат сөздер жаудырған. Бөлімшеге баруды талап еткен тәртіп сақшысын итеріп жіберген ол полицейдің формасын жыртып тастаған. — Қазіргі таңда аталмыш жағдайға қатысты ҚР ҚК-нің 379-бабы бойынша сотқа дейінгі тергеу басталды. Күдікті 100 АЕК көлемінде айыппұл төлеуі мүмкін немесе 45 тәулікке қамауға алынады, — дейді баспасөз қызметінде.

pavlodarnews.kz