Павлодарда «Қауіпсіздік трамвайы» іске қосылды

Павлодарда мереке қарсаңында «Қауіпсіздік трамвайы» іске қосылды. Бұл туралы  Tengrinews.kz хабарлайды.

Қала тұрғындарын төтенше жағдайлар кезіндегі қауіпсіздік шаралары туралы хабардар ету мақсатында Павлодар облысының Төтенше жағдайлар департаменті «Трамвай жолдары басқармасы» АҚ-мен бірлесіп, «Қауіпсіздік трамвайын» іске қосты.

Бұл бағыт қала тұрғындарын әртүрлі бағыттар бойынша тасымалдайды.

Трамвайда жолаушыларға әртүрлі төтенше жағдайлар кезіндегі қауіпсіздік шараларын, төтенше жағдайлардың алдын алу және өзін-өзі ұстау ережелерін үйрету бойынша қабылданған шаралар туралы хабардар етіледі, төтенше жағдайлар кезіндегі іс-әрекеттердің алгоритмі көрсетілген буклеттер мен жадынамалар таратылады.