Пара алғандар енді 20 есе айыппұл төлейді

Әділет министрлігі Ашық НҚА порталында еліміздің кейбір заңнамалық актілеріне Қылмыстық, Қылмыстық-процестік және Қылмыстық-атқару кодекстерін оңтайландыру мәселелері бойынша өзгерістер мен толықтырулар енгізу туралы заң жобасын жариялады.

Жобада коммерциялық пара берушілерге жазаны қатаңдату жоспарланған. Атап айтқанда, пара алушыларға алған пара сомасының 10 еседен 20 есеге дейінгі сомасы мөлшерінде айыппұл салынады. Ал қолданыстағы заңда айыппұл мөлшері — 5 мың АЕК.

Егер пара мүлік түрінде берілсе, ол сол мүліктің құны мөлшерінде айыппұл төлейді. Болмаса, 1 200 сағатқа дейінгі мерзімге қоғамдық жұмыстарға тартуға не 5 жылға дейiнгi мерзiмге бас бостандығын шектеуге не сол мерзiмге бас бостандығынан айыруға жазаланады.
Әділет министрлігі хабарлағандай, айыппұлдардың жаңа мөлшері «Атамекен» ұлттық кәсіпкерлік палатасымен және бас прокуратураның тапсырмасы аясында енгізілді.