Ол енді депутат емес

Депутаттар Тінікеевтің депутаттық өкілеттік мерзімін тоқтатуға дауыс берді. Депутаттар ҚР Мәжілісінің жалпы отырысы кезінде Мұхтар Тінікеевтің өтінішін қанағаттандырды.

Tengrinews.kz хабарлағандай, Кеше Мұхтар Тінікеев өкілеттік мерзімін тоқтату туралы өтініш берген болатын. Кейін Қазақстан Парламентінің ресми сайты Желіде даулы видео пайда болғаннан кейін өкілеттік мерзімін тоқтату туралы өтініш берген депутат Мұхтар Тінікеевтің мәлімдемесінің мәтінін жариялады.

Еске салайық, таяуда Мұхтар Тінікеев жайлы даулы видео Желіде жария болған еді. 20 желтоқсанда таралған видеода Мәжіліс депутаты басқа бір депутатпен дөрекі сөйлесіп, шапалақпен ұрады. Роликте былапыт сөздер айтылады.

Тінікеевтің өзі бастапқыда бұл видеоның екі жыл бұрын әзіл екенін мәлімдеген, алайда Tengrinews.kz тілшісі оқиғаның 2016 жылдың желтоқсан айының ортасында болғанын анықтады.

Кейін Мұхтар Тінікеевтің жүрегі сыр беріп, аурухаға түскен болатын.
Толығырақ: https://kaz.tengrinews.kz/kazakhstan_news/deputattar-tnkeevtn-deputattyik-oklettk-merzmn-toktatuga-275937/
Материалды көшіріп басқанда Kaz.tengrinews.kz сайтына гиперсілтеме міндетті түрде қойылуы тиіс. Авторлық құқықты сақтаңыз.