Оқушы жазда 90 күн демалады

Оқу-ағарту бірінші вице-министрі Шолпан Каринова мектеп оқушылары үшін оқу жылын қысқарту мәселесі қаралып жатпағанын жеткізді.

«Оқу жылын қысқарту мәселесі қаралып жатқан жоқ. Жыл басында ата-аналар мен балаларға оқу жылы 36 аптаға созылатынын хабарладық. Оқу жоспарлары мен бағдарламалары, күнтізбелік-тақырыптық жоспарлар мемлекеттік білім беру стандарты мен білім беру бағдарламаларының талаптарын орындау үшін жасалған. Сондықтан бұл мәселені қайта көтерудің қажеті жоқ. Былтыр оқу жылы 1 қыркүйекте басталды, биыл 31 мамырда аяқталады, яғни 31 мамыр – соңғы оқу күні», — деді Шолпан Каринова ОКҚ-де өткен брифингіде.
Мектеп оқушылары 1 маусымнан бастап жазғы каникулға шығады.

JQ-Aqparat