Оқушы неге қамауға алынды?

Ішкі істер министрінің бірінші орынбасары Марат Қожаев Петропавлда мектеп оқушыларын балтамен жаралаған жасөспірімді қамауға алудың себебін түсіндірді.

«Осы оқиға бойынша тергеу амалдары жүріп жатыр. Күдікті жасөспірім қамауда отыр. Анасы баланың өкілі ретінде танылды. Тергеу кезінде ол қылмысқа не себепті барғаны, бұл оқиғаның деректері егжей-тегжейлі анықталады. Аса ауыр қылмыстар үшін қамауға алу шарасы қарастырылған», — деді М. Қожаев.

13 ақпан күні Петропавлда 9 сынып оқушысы мектепке балта мен пышақ ала келіп, 3 оқушыны жарақаттады.

Ресми емес ақпаратқа сүйенсек, мектепке қаруланып келген бала психиатриялық есепте тұр.
Оқушы 2 айға қамауға алынды.

JQ-Aqparat