Ақтөбе облысында 14 жастағы мектеп оқушысы босанды. Ол әжесінің соңғы некеге тұрған күйеуінен жүкті болып қалған. Қазір жасөспіріммен жақындасқан күдікті тергеліп жатыр, деп хабарлайды jasqazaq.kz КТК-ға сілтеме жасап.
Болат Көшқалиев, Ақтөбе облысы ПД бастығының орынбасары: — Аталған факті бойынша полиция тарапынан қылмыстық іс қозғалды. Күдікті тұлға анықталып, қамауға алынды. Оқиғаның барлық мән-жайын, сондай-ақ құқық бұзушылықтың жасалуына ықпал еткен себептер мен жағдайларды анықтауға бағытталған сотқа дейінгі тергеп-тексеру жүргізілуде. Іс толық бақылауға алынды.
Жас босанған оқушы Ойыл ауылындағы мектепте оқиды. Қазір бөбегімен ауруханада жатыр. Осы уақытқа дейін тоғызыншы сынып оқушысының жүкті екенін ешкім аңғармаған. Тек күні кеше «қуығым ауырды» деген соң дәрігер қараған кезде ғана толғағы басталғаны анықталыпты. Жасөспірімнің ата-анасы ажысарып кеткен. Ал нағашы әжесінің алпыстан асқан күйеуі өгей немересіне көз салыпты. Бала босанған бойда ол қамауға алынды. Мамандар оқушының биыл үш рет медициналық тексерістен өткенін айтады.
Нұргүл Бертілеуова, Ақтөбе облысы білім басқармасы басшысының орынбасары: — Қыз бала Ойыл ауданындағы орта мектептің 9-сынып оқушысы. Ата-аналары ресми түрде ажырасқан, қазір анасымен бірге тұрады. Қыз бала осы уақытқа дейін үш рет медициналық тексерістен өткен. Мектептің жолдауымен скринингтен, жазғы лагерьге бару үшін профилактикалық тексеруден және денсаулығына байланысты қыркүйек айында медициналық тексерістен өткен. Үшеуінде де ерте жүктілік белгілері байқалмаған.
WhatsApp: +7 705 717 9113
