ОҚО-да ұятқа қалған аудан әкімі журналистердің сұрағына жауап таппай қиналды

ОҚО-да аудан әкімі өңірдегі орташа айлық деңгейі 118 мың теңге екенін айтып, журналистерді таң қалдырды.

Брифинг барысында Отырар ауданының әкімі Ерлан Айтаханов өңірдегі орташа айлық деңгейі 118 мың теңге екенін мәлімдеген. Алайда мұншалық жоғары деңгейді әкім қайдан алып отырғанын айтып бере алмады.

Отырар ауданында жұмыссыз жүрген адамдардың саны бес-ақ пайызды құрайды екен. Ал орташа жалақы деңгейінің күрт жоғары болып шыққаны журналистерді, тіпті таң қалдырған.

«Бұл республикалық деңгейде есептеледі. Әр ауданға индексін шығаратын арнайы есептеу жүйесі бар. Бұл менің құзырымдағы мәселе емес. Сол себепті, бұл көрсеткішке қатысты түсініктеме бере алмаймын», — деп жауап берді аудан әкімі.

NUR.KZ