«Нөлдік төзімділік»: Түркістан полициясы 700-ден астам құқық бұзушыны анықтады

11 сәуiр, 16:06

Өркениетті қоғамда тәртіпке бағыну керек. Президент Қасым-Жомарт Тоқаев: «Біз ең ұсақ құқық бұзушылықтарға, бұзақылыққа, мәдениетсіздікке бой алдырмауға тиіспіз, өйткені бұл қоғам тыныштығын бұзады, өмір сүру сапасын төмендетеді. Тәртіпсіздік пен рұқсат ету сезімі неғұрлым ауыр қылмыстарға жол ашады. Ұсақ құқық бұзушылыққа төзбеушілік ахуалы-қоғамдық қауіпсіздікті нығайтудағы, қылмыспен күрестегі маңызды қадам», — деп атап көрсеткен болатын.

«Нөлдік төзімділік» қағидаты — ұсақ құқық бұзушылықтарға жол бермеу. Мәселен, көрінген жерге қоқыс тастау қоршаған ортаға зиян келтіреді, тұрғындардың ашу-ызасын тудырады.

Сондықтан Түркістан облысының полицейлері қоршаған ортаның абаттандыру қағидаларын бұзу, қоғамдық орындарды ластау, жасыл желекті жою және бүлдіру сияқты заң бұзушылықтарының алдын алу мақсатында жүйелі жұмыс жүргізіп келеді. Осы бағытта атқарылған жұмыстың 2 тәулігінде 739 құқық бұзушылық анықталып, әкімшілік жауапкершілік қаралды.
Таратып айтсақ, тауарлармен немесе өзге де заттармен заңсыз сауда жасау бойынша 11 жәйт, белгiленбеген орындарда сауда жасаумен 72 дерек тіркелді. Ал ортақ пайдаланатын орындарды ластау, оның ішінде белгіленбеген орындарға коммуналдық қалдықтарды тастау бабымен 267 дерек анықталып, құқық бұзушыларға әкімшілік шара көрілді.

Сондай-ақ қалалар мен елді мекендердің аумақтарын абаттандыру қағидаларын бұзу, жасыл екпелерді жою және бүлдіру бойынша 194 әкімшілік құқық бұзушылық анықталды. Жолдарды, теміржол өтпелерін және басқа жол құрылыстарын бүлдіру бабымен 131 тұрғын әкімшілік жауапқа тартылды.

Айат кетейік, облыс аумағында полиция департаментінің бастығы М.Қабденовтың тапсырмасымен 8-14 сәуір аралығында «Тазалық» жедел-профилактикалық іс-шарасы өткізіліп жатыр. Полицейлер тәртіпке бағынып, қандай да бір заңсыз әрекеттерге жол бермеуге шақырады. Қоршаған ортаның тазалығын сақтауға кеңес береді.

JQ-Aqparat
Суреттер: Түркістан облыстық полиция департаментінің баспасөз қызметі

24 мамыр, 14:41
Түркістан: Келес ауданында тұрмыстық зорлық-зомбылықтың алдын алу жұмыстары жүріп жатыр
23 мамыр, 15:27
Түркістандағы тәртіп сақшылары қауіпсіздікті қамтамасыз етіп, заңды да түсіндіреді
23 мамыр, 15:01
Түркістан: Бала қауіпсіздігін қамтамасыз ету – басты міндет
23 мамыр, 13:55
Түркістан: Ордабасы ауданында профилактикалық шаралар күшейтілді
23 мамыр, 12:35
Теріс пиғылды діни ағымды тек идеологиямен жеңу керек
23 мамыр, 10:55
Түркістан: Кентауда профилактикалық шаралар жалғасуда
22 мамыр, 15:44
Түркістан: Арыс ауданында «Жасөспірім және жауапкершілік» іс- шарасы өтуде
22 мамыр, 15:29
Түркістан: Полиция 180 қылмыстың ізін суытпай ашты
22 мамыр, 12:02
Түркістан: Шардара ауданында «БОРЫШКЕР» жедел профилактикалық іс-шарасы өтуде