Мұз өткел жабылды

Шығыс Қазақстан облысы, Күршім ауданының Қызылту мұз өткелінде жүруге тиым салынып, жол жабылды деп хабарлайды JQ-Aqparat облыстық Полиция департаментінің баспасөз қызметіне сілтеме жасап.
«Бұқтырма су қоймасындағы мұз өткеліне тексеру жүргізілді. Соның нәтижесінде мұзда жарықтар бары анықталды. Сондықтан өткел көліктің барлық түрлері үшін жабылды. Енді Өскеменге бару немесе қаладан қайту үшін «Үлкен Нарын-Алтай» тасжолы және Зайсан қаласы арқылы жүру керек» екені айтылған ШҚО Полиция департаменті баспасөз қызметі таратқан ақпаратта. 11 қаңтар күні осы Қызылту мұз өткелімен жүріп келе жатқан трактордың мұз ойылып суға батып кеткен видеосы тараған болатын.