Мұнай-газ саласында артық талап болмайды

Премьер-Министр Әлихан Смайыловтың төрағалығымен өткен отандық кәсіпкерлер кеңесінің отырысында мұнай-газ саласының түйткілді мәселелері талқыланды. Тәуелсіздік алған жылдардан бері қарай Қазақстан мұна йөндіру көлемін үш есеге арттырды. ОПЕК-тің өлшемі бойынша Қазақстан мұнай эспорттаушы елдердің алғашқы ондығына кіреді.

Үкімет басшысы «Жалпы, елімізде мұнай-газ саласы әлемдік трендтерге сай белсенді дамып келеді. Ол үшін өндірістің тиімділігін арттырудан бастап қайта өңдеу өндірістерін кеңейтуге дейін қажетті шаралар қабылданды. Жақын арада мұнай-газ саласы бойынша 800-ге жуық түрлі артық талаптарды қысқарту жоспарлануда. Бұл шаралар бизнес-қоғамдастықпен және «Атамекен» ұлттық палатасымен тығыз байланыста қабылдануда. Үкімет бұдан әрі де осындай сындарлы негізде жұмыс істеуге дайын», – деді. Кеңесте мұнай-газ саласын дамыту ел экономикасының әлеуетін көтеру екенін баса айтқан Ә.Смайылов тиісті ведомство басшыларына тапсырма жүктеді.

JQ-Aqparat