Мопед жүргізуші арбадағы баланы қағып кетті

Сәтбаев пен Брусиловский көшелерінің қиылысында мопед жүргізушісінің қатысуымен жол апаты болды.

Алматы қаласының полициясы хабарлағандай, жол апаты 1 қарашада сағат 20:25-те қаланың Бостандық ауданында болған.
1999 жылы туған мопед жүргізушісі Сәтбаев көшесіндегі веложол бойымен шығыс бағытта жүріп, Брусиловский көшесінің қиылысында арбаны соғып кеткен. Арбада үш жасар қыз балаға алғашқы көмек көрсетіліп, қалалық балалар ауруханасына жеткізілген.

«Бұл фактіні Бостандық аудандық полиция басқармасының қызметкерлері өндіріске қабылдады. Қазақстан заңнамасына сәйкес, жүргізушіге қатысты сараптама тағайындалады және тиісті шаралар қабылданады», – дейді Алматы қалалық полиция басқармасы.

JQ-Aqparat