Моңғолия астанасын да су басты

Бүгін толассыз жауған жауын салдарынан Моңғолияның астанасы Улан-Батыр қаласы су астында қалды. Қаланың солтүстігінде орналасқан «Emart» сауда орталығы, «Шыңғыс» қонақ үйі орналасқан көшелерді көп мөлшердегі жауын суы басып қалған — деп хабарлайды BAQ.kz порталы сол елдің ақпарат көздеріне сілтеме жасап.
Топан судан зардап шеккендер туралы нақты ақпарат жоқ, 15 минуттың ішінде жауған жауын қаланың тең жартысын жарты метр тереңдіктегі суға толтырған. Жаңбыр салдарынан адам шығыны болған жоқ.

Естеріңізде болса 10-11 шілде күндері осы елдегі қазақтар орналасқан Баян-Өлгий аймағында да толассыз жауған жауын салдарынан сел түсіп, 700 адам баспанасыз қалған болатын. 300-дей үй жарамсыз деп танылған еді.