Мемлекеттік тілмен еш тіл тең емес

Мәжіліс депутаты Ринат Зайытов әлеуметтік желідегі парақшасында Конституцияның 9-бабының екінші тармағына енгізілген өзгерістерге қатысты пікір білдірді.
“Біздің қоғам Ата Заңның 9-ыншы бабының екінші тармағын дүрлігіп талқылап, біраз тіл жанашырларын айыптап, күстаналап жатқанда Мәжіліс пен Ақорданың ішінде үнсіз көп іс атқарылып жатқанын сіздер білмейсіздер, әрине. Міне сол тісін көрсеткеннен ісін көрсетуді жөн санайтын азаматтар комиссияға бірнеше нұсқада өз өтініштерін беріп, сол 9-ыншы баптың екінші тармағының өзгеруіне қол жеткізді!
Енді жаңа нұсқадағы мәтінде орыс тілі тең емес, қатар қолданылады. Түсінген адамға аз жеңіс емес. Шүкір.
Ең бастысы осы жетістікті жеңіске айналдыру үшін бізге салқынқандылық өте қажет. Жетістік – желігуді жек көреді. Ал біз әлі көп жетістікке жетуге міндеттіміз! Мемлекеттік тілмен еш тіл тең емес, қатар ғана”- деді ол жазбасында.

Фото: inform.kz