Мемлекеттен жалған құжатпен ақша алған «Зеренді-Астық» ЖШС басшысы сотталды

Қазынаға 490 миллион теңге зиян келтірген «Зеренді-Астық» ЖШС басшысы сотталды. Бұл туралы Астана қаласы бойынша Мемлекеттік кірістер департаменті хабарлады.

«ҚазАгроФинанс» АҚ компаниясына бөлінген қаражатты жаратып, онымен қоса мемлекетке 490 миллион теңге көлемінде зиян келтірген «Зеренді-Астық» ЖШС басшысы қылмыстық жауапкершілікке тартылды. Сондай-ақ, «Қазына СР» директоры да жиһаз цехінің құрылысы үшін мемлекеттік бюджеттен жалған құжатпен ақша алғаны үшін айыпты деп танылды. Мемлекеттен алынған қаражаттың барлығы жеке қолданыстағы қымбат мүліктерді алуға жұмсалған», — деді Мемлекеттік кірістер департаментінің өкілдері.

Tengrinews.kz сайты хабарлағандай, осы қылмыстық істер бойынша мемлекетке 2 миллиард теңгеден аса шығынның келтірілгені айтылады. Департаменттегілердің мәліметінше, Қазақстанда соңғы 10-15 жылда 100 миллиард теңге жұмсалған.