Мехико метросында Димаштың әні шырқалады (Видео)

01 наурыз 2023, 12:20

27 ақпаннан бастап Мексиканың астанасы Мехико метросының 576 медиафасадында Димаштың Kieli meken әні көрсетіле бастады. Науқанды мексикалық жанкүйерлер Наурыз мерекесіне орай ұйымдастырған, деп хабарлайды dimashnews.com сайты. Сайт мәліметінше, Димаштың әні 27 ақпан мен 5 наурыз аралығында Мексика метросында сағат сайын көрсетіледі. Айта кетейік, Dimash Qudaibergen Méxicoficial фан-клубы Мехико медиафасадында Димаштың қойылымдарын екінші рет ұйымдастырып отыр. Сайт мәліметінше, Мексика астанасы Мехикодағы метро қаланың негізгі көлік құралдарының бірі болып табылады. Сондықтан Димаштың әндерін 3 миллионға жуық адам көреді.