Медиатурнир: ойындағы ерегес төбелеске ұласты

Астана қаласында әуесқойлардың кәсіби емес футбол клубтары арасында кезекті медиатурнир өтті. Ресей мен Қырғызстан командалары арасындағы матч жаппай төбелеске ұласып, екінші таймда тоқтатылды. Ресейлік 2Drots клубының ойыншылары қырғызстандық Top Team клубының ойыншыларымен арадағы ойын төбелеспен аяқталды. Матчтың 67- минутында қырғызстандық клубтың ойыншысы қарсы клубтың ойыншысын шалып құлатады. Сол сәтте қырғыз қақпашысы жүгіріп келіп қарсылас клуб ойыншысына соққы дарытып үлгереді. Жаппай төбелестен кейін төреші Top Team клубының үш бірдей ойыншысына қызыл қағаз көрсетіп алаңнан қуды. Наразы болған қырғызстандық ойыншылары матчты жалғастырудан бас тартып, 0:3 есебімен жеңіліс жазылды.
«Ер шекіспей бекіспейді». Матчтан кейін екі клуб ойыншылары қол алысып татуласты. Десе де үш ойыншыны бірдей алаңнан қуған бас төрешіні әділетті болмады деп айыптады. Мұндай бассыздық жарыстың тамырына балта шауып, тоқтап тынуына әкеп соғады соңында. Қайбір жылы Алматыда тұрақты түрде өтіп жүрген «Бір атаның балалары футбол ойнайды» деп аталатын тәп-тәуір осындай төбелестің кесірінен үзіліп, ұзақ уақыттан кейін қайта жалғасқан болатын.

JQ-Aqparat