Мәжіліске мүмкіндігі шектеулі жандар да депутат болады

19 науырызда елімізде мәжіліске және мәслихатқа сайлау өтеді. Бұл сайлау бұрынғы сайлаудан өзгерек. Себебі алғаш рет Мәжіліс мандатына мүмкіндігі шектеулі жандар да ие болады. Орталық сайлау комиссиясының төрағасы Нұрлан Әбдіров комиссия отырысында осылай мәлімдеді.
«Сайлау туралы» Конституциялық заңда Парламент Мәжілісіне сайлау кезінде саяси партиялардың тізіміндегі әйелдер мен жастарға үшінші санат өкілдері қосылды. Бұл – мүгедектігі бар адамдар. Үш санаттың жалпы квотасы 30 пайыздан кем болмауы керек. Бұл норма депутаттық мандатты бөлу кезінде де қолданылады. Санаттағы өкілдердің – әйелдердің, жастардың, мүгедек адамдардың саны жиынтығы бойынша партия алған депутаттық мандаттардың жалпы санының кемінде 30 пайызын құрауға тиіс. Саяси партиялар өкілдерінің назарын тиісті сайлау рәсімдерін жүргізу барысында сайлау заңнамасының осы нормаларын да қатаң сақталуына назар аудартамын» деді ОСК төрағасы Н.Әбдіров.

JQ-Aqparat