Мәжіліс депутаттарын сайлауға 7 партия өтті

Парламент Мәжілісінің депутаттарын сайлауға 7 партия өтті.
Бұл туралы Орталық сайлау комиссиясының отырысында айтылды, деп хабарлайды JQ-Aqparat.
Алдағы мәжіліс депутаттары сайлауға түсетін партиялар:
«Amanat» Партиясы;
«Ақ жол» Қазақстан демократиялық партиясы;
«Respublica» Партиясы;
«Ауыл»халықтық-демократиялық патриоттық партиясы;
Қазақстандық «Байтақ» жасылдар партиясы;
Жалпыұлттық социал-демократиялық партия;
Қазақстан Халық партиясы.
Десе де мәслихат депутаттығына тізімдегі екі партияның қатысуына шектеу қойылды. Тиісті құрылымдық бөлімшелердің болмауына байланысты «Байтақ» партиясы Атырау, Қарағанды және Қызылорда облыстары мәслихаттарының депутаттарын сайлауға ғана қатыса алады. Осыған ұқсас себептерге байланысты «Respublica» партиясы мәслихат депутаттарының сайлауына жіберілмеді. Қалған партиялар шектеусіз қатыса алады.
Айта кетейік, сайлау науқанының негізгі кезеңдері келесідей өтеді:
Кандидаттарды ұсыну — 20 қаңтардан 8 ақпан аралығы, жергілікті уақыт бойынша 18:00-ге дейін;
Үміткерлерді тіркеу — 20 қаңтардан 18 ақпанға дейін жергілікті уақыт бойынша 18:00-ге дейін;
Сайлау науқаны — 18 ақпан 18:00-ден 18 наурыз 00:00-ге дейін;
18 наурыз-тыныштық күні;
19 наурыз-дауыс беру күні.