«Маңғыт, аузыма 8 миллион саңғыт»

Маңғыстау облысының тұрғыны Грузия елінен сатып әкелген автокөлігін рәсімдеп беремін деген алаяқтың құрбаны болды деп хабарлайды JQ-Aqparat Polisia.kz порталының ақпаратына сүйеніп.
Маңғыстаулық азамат табан ақы маңдай терімен тапқан қаржысына Грузия елінен сатып әкелген көлігінің құжатын рәсімдеп берем деген алаяқтың тұзағына түсіп қалды. Мұнайлы ауданының тұрғынына алдап соғушы 7,8 миллион теңге шығын келтірген.

Сенімге кірген су жұқпас Грузия еліне барып есептен шығарып, Қазақстанға тіркеп, барлық құжатын рәсімдеп беремін деп сан соқтырып кеткен. Жәбірленуші азамат полицияға арызданып, криминалдық полиция қызметкерлері жедел іздестіру шарасының нәтижесінде Бейнеу ауданының 30 жастағы тұрғынын құрықтады.

«Аталған дерек ҚР Қылмыстық кодексінің 190-бабы (Алаяқтық) бойынша тіркелгенін, өзге мәліметтер тергеу мүддесіне орай жария етілмейтінін» мәлім етті Polisia.kz.