Ұлттық бюро Әбіләзовті қайта тергейді

Ұлттық бюро Әбіләзовқа қатысты сотқа дейінгі тергеу жұмыстарын жалғастырып жатыр. Бұл туралы ведомствоның баспасөз қызметі хабарлайды.

ҚР Ұлттық бюро өкілдері Әбіләзовқа 2017 жылдың 15 ақпанына дейін ведомствоның әкімшілік ғимаратына келу қажеттігін айтып өтті.

Еске сала кетейік, 2017 жылдың 2 ақпанында ҚР Сыбайлас жемқорлыққа қарсы іс-қимыл ұлттық бюросы жауап алу үшін Мұхтар Әбіләзовті Астанаға шақырған болатын. «ҚР Сыбайлас жемқорлыққа қарсы іс-қимыл ұлттық бюросы «БТА Банк» АҚ бұрынғы топ-менеджменті М.Қ.Әбіләзовқа, Ж.Д.Жарымбетовке және өзгелерге қатысты қылмыстық істің соталды тергеуін жалғастырып жатыр. Тергеу барысында Антикоррупция қызметі Әбіләзов пен оның сыбайластарының заңсыз әрекеттерінің қосымша дәлелдерін тапты. Банктен қаражатты жымқырудың жаңа нұсқалары ашылды. Анықталған деректер Әбіләзовтің қылмыстық ұйым құрып, оған басшылық еткен деген қосымша күдік келіп отыр. Оның ішінде бірқатар ұйымдасқан қылмыстық топ кіреді, топ Қазақстан территориясында да, шетелде де әрекет еткен», — делінген еді ведомство хабарламасында.