Коуч Роза Әшірбаева: Кедей отбасында өскендер мемлекеттің соры (Видео)

28 қантар 2023, 18:49

Коуч Роза Әшірбаева өзінің инстаграм парақшасында кедейлік туралы бейне үндеу жариялап, көпшіліктің сынына қалды, — деп жазды JQ-Aqparat.
Қаржыгер бейне үндеуде: «Кедейлікте, жоқшылықта өскен балалар өздеріне сенімсіз, көздері соқыр, жұмыс істей алмайды. Мемлекеттен ыңылдап жәрдемақы сұрап отыратын балаларды туады. Үйленген екі адам жұмыс істемесе немесе бір ақ адам жұмыс істесе сен өзіңді де, отбасыңды да, балаңды да жоқшылыққа байлайсың. Кедей коэфицентін көбейтесің. Сенің туған ұрпағыңның бай болып кетуі екіталай. Мен мысалы көзімді тырнап ашқалы әкем де, анам да жұмыс істейді. Екеуі де қаржыгер, екеуі де жұмыс істейді. Дипломды алып күзге дейін демаламын деген кезімде әкем желкелеп, жұмысқа тығып қойды», — деді.
Осы жерде оқырмандардың пікірі екіге жарылып бірі коучты жақтаса, бірі оның сөзімен келіспейтінін жазды.
Тіпті бірі «Тым артық сөйлеп отырған сияктысыз. Кедей отбасында өскен қаншама балалар бар миллионер болып бизнес ашып, кәсіп басын ұстап отырған. Артық сөйлеп өзіңізге көп алмаған дұрыс. Кедей отбасынан шыққан қаншама талантты жастар бар»,- деген пікір қалдырды.