Коллектор енді дікіңдей алмайды

Коллекторлық агенттік қызметкерлері борышкерді бопсалап, қорқытып-үркіткені үшін қылмыстық жауапкершілікке тартылады. Осындай заң жобасы Мәжілістің қарауына ұсынылып, биыл қабылдануы мүмкін екенін қаржы нарығын реттеу және дамыту агенттігінің төрайымы Мәдина Әбілқасымова айтты.

«Өткен жылы тексеру жүргізгенде коллекторлық агенттіктердің көбіне дөрекі әрекет ететіні анықталды. Сондықтан коллектор қорқытып-үркітіп, бопсалауға көшсе қылмыстық жауапкерлішікке тарту туралы өзгерістер дайындалып, заңнамаға енгізу үшін мемлекеттік органдарға жібердік», — деді М.Әбілқасымова.

Жаңадан құрылған Мәжіліс депутаттары созбақтатып жүріп алмаса, заң биылдан қалмай қабылдануы тиіс.

JQ-Aqparat