Көлік тонағандар ұсталды (Видео)

09 ақпан 2023, 11:43

Тараз қаласында автокөлікті тонаған ұрылар ұсталды. Полиция бөліміне қаланың 21 жастағы тұрғыны хабарласып, тұрғын үйдің ауласында тұрған Mazda автокөлігін тонап аккумуляторын және басқа да құрал-сайманын үптеп кеткенін айтқан. Сұғанақтар сумақай қолына ілінген затты сатып қаражатын «қажетіне жаратып» та үлгерген екен. Жәбірленушіге келген шығын 75 мың болып отыр. Жедел-іздестіру кезінде қаланың екі тұрғыны ұсталды. Олардың қараңғы түнде ұрлыққа түскен сәті бейнебақылау камерасына жазылып қалған. Күдіктілер кінәсін мойындап, уақытша ұстау изоляторына қамалды. Олардың үстінен ҚР ҚК-нің 188-бабымен “Ұрлық” бойынша тергеу амалдары жүргізіліп жатыр.

JQ-Aqparat