Кім желаяқ: полицей ме, жүргізуші ме? (Видео)

Тараз қаласында жол ережесін өрескел бұзған жүргізуші жауапқа тартылды
Жедел басқару орталығының бейнебақылау камерасы жол ережесіне бағынғысы келмеген Lexus LX 470 көлігінің жүргізушісін тоқтатпақ болады. Бірақ ескертуге қарамастан қала көшелерінде құйындата қашқан «қашқынды» қыспаққа алып тоқтатқанымен ол көлігінен түсіп жаяу қашады. Тараз төрінде жол полиция қызметкерлерін сілететкен жүргізуші 40 жастағы Маңғыстау облысының тұрғыны болып шықты. Ол полицейлерді шаң қаптырып, қаланың сыртына шығып кетем деп ойлапты. «Аталған дерек ҚР ӘҚБтК-нің 613-бабы 1-тармағымен (Ішкі істер (полиция) көліктіқ бақылау органдары қызметкерінің талаптарын орындамау) әкімшілік жауапкершілікке тартылды. Сот шешімімен аталған құқық бұзушылық үшін 40 айлық есептік көрсеткіш мөлшерінде айыппұл салуға не үш тәулікке дейінгі мерзімге әкімшілік қамауға алу қарастырылатынын» мәлімдеді Polisia kz.

JQ-Aqparat