Әкім таңқалды инвестор бас изеді

Дон Сюефен,
«СНПС-Ақтөбемұнайгаз» компаниясының сатып алу жөніндегі департамент директоры:
«Қаңтар-маусым айлары аралығында алған тауарымыздың 30 пайызы Қазақстанда өндірілген. Ал жұмыс пен қызмет түрлері 90 және 95 пайызды құрайды.

Бердібек Сапарбаев, Ақтөбе облысының әкімі (басын шайқап):
– Жұмыс пен қызмет түріне қатысты қазақстандық үлес 90-95 пайыз болса жақсы екен. Ал тауар үлесі неліктен 30 пайыз-ақ?! Бұл дегеніңіз – сіздер тауарды сырттан, дұрысы Қытайдан алдыртасыздар. Солай ма?! Біз сіздермен серіктестік бағдарламаға қол қойғанда, сырттан жеткізілетін тауар көлемін азайту туралы уағдаластық. Кейбір өнім түрлері Қазақстанда да бар. Қол қойылған бағдарламалар қағаз жүзінде емес, іс жүзінде орындалсын. Шағын және орта бизнесті қолдау мақсатында, импорт тауарларын азайту үшін серіктестік бағдарламаларға қол қойдық. Қытайда осындай экономикалық саясат бар емес пе?! Қазақстанда да сондай экономикалық саясат бар. Түсіндіңіздер ме?

Асқар Ақтілеу

Ақтөбе