Қызыл судың қаупі бар

«Қазгидромет» хабарлағандай, ақпан айында күн жылынып, жауын-шашын көп болса, еліміздің оңтүстігі, оңтүстік-шығысы мен шығысындағы тау өзендерінде тасқын болуы мүмкін.

Қарағанды, Ұлытау, Ақмола, Батыс Қазақстан, Атырау және Ақтөбе облыстарында топырақтың қату тереңдігі өткен жылғы көрсеткіштерден орта есеппен 3 см-ден 84 см-ге дейін артық. Ақмола, Солтүстік Қазақстан және Қостанай облыстарында бұл көрсеткіш өткен жылғы көрсеткіштермен салыстырғанда орта есеппен 7 см-ден 40 см-ге дейін кем.

Қазақстанның жазықтағы өзендері бассейнінде жиналған қар суының қоры әркелкі. Айталық, Ақмола, Ұлытау, Қостанай, Ақтөбе, Батыс Қазақстан және Атырау облыстарында орташа көпжылдық мәннен төмен. Қарағанды және Солтүстік Қазақстан облыстарында орташа көпжылдық мәннің шегінде.

Консультативтік синоптикалық ауа-райы болжамына сәйкес, 2023 жылдың ақпан айында ел аумағының басым бөлігінде ауа температурасы нормаға жуық, ал республиканың оңтүстік және шығыс өңірлерінде негізінен жылы және жауын-шашынды болады деп күтілуде.

JQ-Aqparat