Үкімет басшысы Ә.Смайыловтың төрағалық етуімен орталық және жергілікті мемлекеттік органдардың өзара іс-қимылы жөніндегі үйлестіру штабы жиын өткізді. Басты мәселе – су тасқыны кезіндегі ахуалды қадағалау.
Төтенше жағдайлар министрі Ю.Ильин еріген қар суы мен тасқыннан Абай, Ақтөбе, Атырау, Батыс Қазақстан, Түркістан және Павлодар облыстарында 163 тұрғын үй мен үш ғимаратты су басқанын, одан бөлек Ақтөбе облысында 13 үй, Атырау облысында бір тұрғын үй су астында қалғанын жеткізді. Облыс әкімдері өңірдегі жағдайды баяндап, қызыл сумен күрес қалай жүріп жатқанын баяндады.
Премьер-Министр Әлихан Смайылов: «Халықпен нақты кері байланыс орнатып, олардың көмек беру туралы өтініштеріне дереу жауап беру қажет. «Әкімдіктер жолдар мен көпірлердің, электр желілерінің қираған учаскелерін қалпына келтіріп қана қоймай, орын алған жағдайға талдау жүргізіп, келесі су тасқыны кезінде болуы мүмкін қауіп-қатерлерді ескерулері қажет. ТЖМ алдағы жылдарға арналған елді мекендерді су тасқынынан қорғау жөніндегі іс-шаралар кешенін толықтыруы тиіс», — деді үкімет мүшелеріне тапсырма жүктеп.
JQ-Aqparat
WhatsApp: +7 705 717 9113
