Қыз алып қашу «қылмыс» емес

Қазақстандықтардың басым көпшілігі үшін қыз алып қашу «қылмыс» емес. Бұл туралы сауалнама нәтижелеріне сүйене отырып, Қазақстандық қоғамдық даму институтының Отбасы институтын зерттеу орталығының жетекшісі Ольга Николаева хабарлады.

«Сауалнамаға қатысқандардың төрттен бір бөлігі, 23,6 пайызы қыздарды ұрлауға қатысты әрекеттерді бейтарап немесе оң бағалайды. Ал 54 пайызға жуығы егер қызды оның келісімінсіз ұрлап кеткен болса, онда құқық қорғау органдарына мәлімдеуі керек деп санайды. Сондай-ақ 11,7 пайызы қыз сол отбасыда қалуы керек десе, 18,4 пайыз адам, құқық қорғау органдарына хабарламауы тиіс деп есептейді», — деді Николаева.

Айта кетейік, елімізде қыз алып қашу статистикасы жүргізілмейді. Себебі қылмыстың осы түріне қатысты арнайы бап жоқ. Дегенмен кез келген адам бұл әрекеті үшін қылмыстық жазаның бар екенін ұғынуы тиіс.

JQ-Aqparat