Құтқарушылар легі оралды (Видео)

Түркияда болған зілзала апатынан кейінгі іздестіру-құтқару жұмыстарын жүргізуге елімізден аттанған құтқарушылар оралды. Құтқару қызметі мен медицина саласының мамандары аман-есен келді.
Алматы қаласы төтенше жағдайлар департаментінің хабарлауы бойынша Газиантеп қаласынан Ил-76 ұшағымен республикалық жедел құтқару жасағының 33 қызметкері, 3 кинологтар тобы мен 5 апаттар медицинасының дәрігерлері келді.
Мемлекет басшысы Қасым-Жомарт Тоқаев Ақмола облысына барған сапарында М. Ғабдуллин атындағы Азаматтық қорғау академиясының ұжымымен кездескен еді. Сол сапар барысында мемлекет басшысы Түркияда құтқару қызметін атқаруға аттанған мамандарымыз елге келген соң марапатталатынын айтқан болатын.

JQ-Aqparat