Қырғыз бен өзбек шекарасын шегендеді

27 қантар 2023, 15:08

Өзбекстан мен Қырғызстан екі ел арасындағы мемлекеттік шекараны шегендеуді (делимитация) аяқтады. Тараптар осыған байланысты құжат алмасты. Бұл туралы Қырғыз Республикасының президенті Садыр Жапаров хабарлады.

«Кабар» ақпарат агенттігі хабарлағандай, С. Жапаров Бішкекке мемлекеттік сапармен келген Өзбекстан басшысы Шавкат Мирзияевпен кездесуде көршілес екі елдің ортақ шекарасы айқындалғанын атап өтті. Жалпы, қырғыз-өзбек шекарасының ұзындығы 1314 шақырымды құрайды. Бұған қоса, Қырғызстан мен Өзбекстан арасында жан-жақты стратегиялық серіктестік туралы құжатқа қол қойылды.

Айта кеткен жөн, соңғы кездері Қырғызстан мен Тәжікстан шекарасы бойындағы шиеленіс әлі толық шешімін тапқан жоқ.

JQ- Ақпарат