Қылмысқа қатысты 2,5 мың күдіктіге іздеу салынған

Кейінгі үш жылда елімізде қылмыстық қудалау органдары қылмыс жасады деген күдікпен 3 мыңнан астам адамға іздеу жариялаған. Шет мемлекеттерде ұстап, оларды Қазақстанға экстрадициялауды прокурорлар да үйлестіріп, 500 адам құрықталыпты. Әзірге қалған 2,5 мың күдіктіге іздеу салынып отыр.

«Қазір 2500-ден астам адамды ұстауға жатады. Негізінен ішкі істер органдарының желісі бойынша, алаяқтық жасағаны үшін 400, ұрлық үшін 250 тұлға іздеуде.
Ауыр және аса ауыр қылмыстар жасады деген 400 күдіктінің 250-і іздеу жарияланғаннан кейін ұсталды.

Шет мемлекеттермен жолға қойылған ынтымақтастықтың арқасында іздеуде жүрген қылмыс жасаған 600 күдіктінің жүрген жері анықталды, олардың көпшілігі Ресей Федерациясында, Америка Құрама Штаттарында, Түркия Республикасында, Біріккен Араб Әмірліктерінде, Қырғыз Республикасында, Өзбекстан Республикасында және Украинада жасырынып жүр.
Мысалы, ағымдағы жылы қоғамдық резонанс тудырған қылмыс жасады деген 6 күдікті ұсталды (4 — кісі өлтіру бойынша, 2-қаржы пирамидаларын ұйымдастырғаны және басқарғаны үшін).Қалған тұлғалар бойынша басқа елдердің құқық қорғау органдарымен бірлесіп оларды ұстау үшін іс-шаралар жүргізіліп» жатқанын мәлім етті бас прокуратураның баспасөз қызметі.

JQ-Aqparat