Қонаевта қатты желден тұрғын үйлер мен инженерлік желілерге зақым келді

Қонаев қаласында дауылдан кейін коммуналдық қызмет күшейтілген режимде жұмыс істеп жатыр. Бұл туралы inform.kz хабарлайды.

Қала әкімдігінің мәліметінше, Қонаевта 8 ақпаннан 9-ына қараған түні 27 м/сек жылдамдықпен жел соққан. Оның салдарынан инженерлік желілерде ақаулар болып, тұрғын үйлердің шатыры ұшқан және жеңіл конструкцияларға зақым келген.

— Түнде құлаған ағаштар мен жеңіл конструкциялардан тазарту жұмыстары жүргізілді. Сондай-ақ жарық өшкен бірқатар шағын ауданда қалпына келтіру жұмыстары жүріп жатыр, — деп хабарлады әкімдіктен.

Қонаев әкімшілігі 1-11-сынып оқушылары қашықтан оқуға көшірілгенін мәлімдеді.

 Фото: Қонаев әкімдігі