Қазақстандық құтқарушылар үйінділерді тазартып жатыр

Зілзаладан зардап шеккен Түркияға қазақстандық құтқару қызметі мен дәрігерлер тобын бастап кеткен Төтенше жағдайлар бірінші вице-министрі Ибрагим Күлшімбаев жағдайды баяндады.
Төтенше жағдайлар министрінің бірінші орынбасары қазақстандықтар Газиентеп қаласының Атагүл көшесінің бойында қираған үйлердің үйіндісін тазалау жұмыстарына кіріскенін айтты. Елімізден барған құтқарушылар екіге бөлініп негізгі топ бір нысанды тазалау жұмысына жұмылған. Қалған 10 адам түркиялық құтқарушыларға күш қосып басқа нысанда үйінді астынан адамдарды құтқаруда. «Инженерлік техника басқа да қажетті қызметтердің жұмысы қалпына келтірілді. Көшеде тамақтану ісін еріктілер мен бірге жергілікті тұрғындар да ұйымдастырып жатыр. Қаланың басшылығының да жұмысы қауырт» деді И.Күлшімбаев.

JQ-Aqparat