Қазақстандық құтқарушылар қираған үйден әйелді тірі тапты (Видео)

Зілзаланың зардабын тартып жатқан Түркияға елімізден көмек көрсетуге аттанған құтқарушылар әйел адамды қирған үйдің үйіндісінен аман алып шықты. Төтенше жағдайлар жөніндегі министрліктің баспасөз қызметі қазақстандық құтқарушылар қауіпті аймақтарда жұмыс істеп жатқанын хабарлады.

«Түркияға келген қазақстандық құтқарушылар күрделілігі жоғары ныснадарға бекітілген болатын. Өткен тәулікте бірінші топ өте көлбеу келген алты қабатты үйді зерттеді, үй шөгіп жатыр, құтқарушылар қиын жағдайда жұмыс істеп жатыр. Блоктан шығару және үйге кіру жүргізілді, іздестіру кезінде қаза тапқан 3 әйелдің денесі табылып шығарылды, үйінділерді тазарту, құрылыс конструкцияларын шығару жүріп жатыр. Екінші топ толығымен қираған 9 қабатты екі үйді зерттеді, сонымен қатар жергілікті құтқарушылармен бірге тірі адамды — зардап шеккен әйелді қираған үйдің астынан шығарып алды. Осы нысанда құтқарушылар 1 адамның денесін тапты» деді министрліктің баспасөз қызметі.

@jasqazaq.kzТүркияға көмекке кеткен құтқарушылар түрік әріптестерімен бірге үйінді астынан әйелді шығарып алды♬ оригинальный звук — JQ-Aqparat

JQ-Aqparat