Қазақстан мен Литва Туризм тамырына қан жүгірмек

Елімізде туризмді дамыту – мемлекет экономикасының әлеуетін арттырудың бірден-бір жолы. Осы бағытты өрістету негізінде Қазақстан Литва елімен әріптестік байланыс орнатты. Литваның Вильнюс қаласында Қазақстан мен Литва мемлекеттерінің арасында туризм саласын өрістету жөнінде жұмыс тобының отырысы өтті. Қазақстан делегациясын Мәдениет және спорт вице-министрі Ержан Еркінбаев басқарды. Елімізден барған делегация құрамында Қазақстанның Литвадағы Елшілігінің, ҚР МСМ Туризм индустриясы комитетінің, «Kazakh Tourism» ҰК «АҚ, сондай-ақ «Шымбұлақ» тау-шаңғы курортының өкілдері болды. Литва делегациясына Экономика және инновациялар вице-министрі Винцас Юргутис жетекшілік етті.

Жұмыс тобының ресми отырысы барысында қазақстандық делегация елдің туристік әлеуетін таныстырды.

Вице-министр Е.Еркінбаев Қазақстан туризмінің негізгі көрсеткіштері қалпына келтіріліп қана қоймай, 2019 жылғы көрсеткіштерден де асып түскенін хабарлады. Қонақүйлер қызмет көрсеткен шетелдік туристердің саны шамамен 610 мың болса, былтырғы жылдың қорытындысында 1 млн шетелдік келген.

Литвалық тарап Қазақстандағы экотуризм мен тау шаңғысы туризмі сияқты ұсыныстарға, сондай-ақ литвалық тарап баламасын енгізуге ниетті eQonaq ақпараттық жүйесіне қызығушылық танытты. Қазақстандық тарап Вильнюстегі әріптестеріне Алматы қаласындағы «Шымбұлақ» таулы курортында Литваның туризм күндерін және Вильнюс қаласында Қазақстанның туризм күндерін өткізу жөніндегі ұсыныс айтылды. Қазақстандық делегация халықаралық Adventure23 туристік көрмесіне барған болатын.