Қазақстан ақпанда Германияға 20 мың тонна мұнай жеткізеді

01 ақпан 2023, 17:29

Ақпан айының бірінші жартысында Қазақстан Германияға мұнай экспортының алғашқы партиясын жеткізеді. Бұл туралы ҚР Энергетика министрі Болат Ақшолақов мәлім етті, деп хабарлайды ҚазАқпарат.

«Мұнай тасымалдау техникалық тұрғыдан проблема емес. Бүгін Ресей Федерациясының Энергетика министрлігіндегі әріптестеріммен сөйлестім. Мұнай жеткізу техникалық қайта бағыттау және маршруттарға байланысты. Ақпан айында мұнайды жеткізуді жүзеге асырамыз. Әзірге бірінші партия — 20 мың тонна», — деді Болат Ақшолақов министрліктің кеңейтілген алқа отырысынан кейін БАҚ өкілдерінің сауалына жауап беріп.

Оның айтуынша, мұнай жеткізу ақпанның бірінші жартысына жоспарланып отыр.