Қаскелеңдік «ВИП-казашка» жол ережесін бұзғанын тағы видеоға түсірген

«ВИП-казашка» деп танылып кеткен Қаскелең қаласының тұрғыны тағы жол ережесін бұзып, оны видеоға түсірген, — деп хабарлайды Tengrinews.kz.

Әлеуметтік желіде былтыр қарашада жол ережесін бұзып, артынша кешірім сұраған қыздың видеосы тарады. Ол тікелей эфирге шығып, көлікті сақтандырусыз жүргізгенін айтып, келесі күні айыппұл төлегенін айтты.

Алматы облыстық Полиция департаментінің мәліметінше, Қаскелең қаласының тұрғыны ұсталды, ал оның автокөлігі айып тұрағына жеткізілген. Өзге ақпарат әзірге белгісіз.

Еске салайық, Алматы облысының 21 жастағы тұрғыны жалған VIP-құжатпен жүріп, бірнеше рет жол ережесін бұзғаны үшін кешірім сұраған болатын.