Қаңтар оқиғасында ұрланған қару-жарақ 13 айдан кейін табылды

Атыраулық полиция қызметкерлері былтыр қаңтар оқиғасында ұрланған қару-жарақтардың жасырылған жерін анықтады.

«28 ақпан күні облыстық ПД қызметкерлері Ақсай елдімекені тұсындағы Жайық өзенінің жағалауында Қаңтар оқиғасы кезінде ұрланған қару-жарақтың сақталған жерін анықтады. Тексеру кезінде Атырау ОПД Жылдам қимылдайтын арнайы жасағына тиесілі Форт — 500М мылтығы, 3 дана 12 мм калибрлі патрондар, 2 ГСЗ ДК-130 ГСЗ граната, 1 ПР 54 резеңке таяқша және жеке қорғаныс құралдары, оқ өтпейтін кеудеше, каскалар тәркіленді. ҚР ҚК 287-бабының 2-бөлігімен қылмыстық іс қозғалып, сотқа дейінгі тергеп-тексеру жұмыстары басталды» деп хабарлады Polisia.kz

JQ-Aqparat