Қайрат Нұртас әйеліне сезімін білдірді (Видео)

Әнші Қайрат Нұртас жеке кешінде балаларының анасына сезімін білдірді. Өнер иесінің Жұлдыз Әбдікәрімоваға гүл шоғын ұсынып, ән арнаған сәті желіде тарады.

Видеодан хитменнің сахнадан түсіп, көрермендер қатарында отырған Жұлдыз Әбдікәрімоваға қарай беттегенін көруге болады. «Ешкімді сүймей өмір сүру өте жеңіл. Бірақ ондай өмір мағынасыз. Жұлдыз, мен сені сүйем», — деді Жұлдыз Әбдікәрімоваға гүл шоғын ұсынған әнші. Осыдан соң Қайрат Нұртас «Сені сүйем» әнін орындау үшін сахнаға қайта оралды.
Айта кетейік, бұл видеоны көрген желі қолданушылары Қайрат Нұртас пен Жұлдыз Әбдікәрімоваға жарыса бақыт тіледі. «Бақытты болыңыздар», «Қандай жарасымды жұп», «Өз отбасыңызбен болыңыз», «Жұптарың жазылмасын», — деді желідегілер.

JQ-Aqparat