Кеше прокурор, бүгін судья қайтыс болды

Бүгін Орал қалалық сотының ғимаратында судья қайтыс болды. Батыс Қазақстан облыстық денсаулық сақтау басқармасының хабарлауынша, ер адам жүрек талмасы ұстап өмірден озды.
«Жедел жәрдем сағат 09.48-де шақырылды. Қалалық сотта жұмыс орнында 1968 жылғы ер адам аяқ астынан жайсыз сезінген. Жедел жәрдемді шақырған адамның сөзіне қарағанда, судья жұмыс орнында ес-түссіз құлаған. Марқұмның жүрегі тоқтап қалған, жедел жәрдем келгенге дейін қайтыс болды», – деді облыстық денсаулық сақтау басқармасының мамандары.

Кеше, яғни 9 наурыз күні Түркістан облысының прокуроры Марат Әлиханов жұмыс орнында қайтыс болды.

JQ-Aqparat