Кеш үйленген жұлдыздар кімдер?

Үйленіп, отау көтеру-парыз. Бірақ ол әркімге әртүрлі уақытта бұйырады. Қазіргі таңда кеш үйлену, кеш тұрмысқа шығу белең алып келе жатқаны белгілі. Көпшілігі бірінші кезекке мансабын қоятыны жасырын емес. Әсіресе өнер адамдары үйленуге асыға қоймайтыны рас. Осы орайда біз орда бұзар шақтарында отбасын құрған жұлдыздардың тізіп көрдік. 

Сембек Жұмағалиев:  Кеңес Дүйсекеевтің «Ғашықтар жыры» әні Сембек ағамыздың тұмары іспетті. Мақпал Жүнісовамен бірге шырқаған бұл ән осы күнге дейін ғашықтардың бойтұмар әніне айналған десек қателеспейміз. Талай жанды табыстарған бұл әннің орындаушысы отбасын кештетіп құрған жұлдыздардың көш басында тұр.

Дидар Амантай: Жазушы, сценарист, журналист, қоғам қайраткері жалпы айтқанда «сегіз қырлы, бір сырлы» жігіт 1969 жылы дүниеге келген. Ал жары әнші Гүлбаршын Тергеубекова екеуі өткен жылы отбасын құрды.

Тоқтар Серіков: Осы күні қазақ эстрадасының үлгілі отағасына айналып отырған Тоқтар Серіков өзінің сыңары Бейбітпен 32 жасқа таяғанда отбасын құрған. Қазіргі таңда сүйкімді үш ұлдың ата-анасы.

Асылбек Еңсепов: Алғаш рет домбыра мен эстраданы үйлестірген дарынды күйші-домбырашы.

Біржан Хасанғалиев: Аты аңызға айналған компазитордың жалғыз ұлы Біржанда музыкант. Ол өзінің сүйіктісін отыздан асқан кезінде жолықтырған. Есімі Ақмаржан, Қызылорданың қызы. Бұл күні ата-енесіне сүйкімді бүлдіршіндер сыйлап отырған үлгілі келін.

Аманғали Спабеков: Танымал әзілкеш өзінің Марал есімді сүйіктісімен өткен жылы отбасын құрды. Ол кезде пародист жігіт 31 жаста еді.

Рүстем Қайыртайұлы: Орда бұзар жасында шаңырақ көтерген жігіттердің бірі-Рүстем. Қазақи көрерменге жақсы таныс айтыскер жігіт өткен жылы өнер адамдары мен достарының, туыстарының басын қосып той өткізген болатын.

Еркебұлан Мырзабек: Бұл жігітті де қалың көпшілік өте жақсы таниды. «Мәссаған» деп жүрген жігіт өзінің отысдан асып бара жатқан кезінде шаңырақ көтерді.

ikerim.kz