«Көкек-әкелердің» қарызы 70 миллионнан асты

Солтүстік Қазақстан облысында 126 адам алимент төлемегені және басқа да қарыздары үшін іздестірілуде. Полицейлер борышкерлерді табуға арналған үшкүндік акцияны қорытылады, деп хабарлайды Baq.kz.

Көші-қон полицейлері бірінші кезекте қарызын төлеуден қашып жүргендердің мекен-жайын анықтады. Петропавл қаласы бойынша «көкек әкелердің» балаларына төлейтін алимент қарызының жалпы сомасы 70 миллион теңгеден асып кеткен. Көш басында тұрған борышкердің берешегі 3 миллион теңге. Екі баланың әкесі 4 жыл бойы балаларына алимент төлеуден жалтарып жүрген көрінеді.

«Бұған дейін қолдарына сот шешімі табысталса да, кейбіреулері өздерінің іздеуде жүргендерін бірінші рет естіп тұрғандықтарын айтып, білмеген сыңай танытатын. Тәртіп сақшыларының ескертуінен кейін борышкерлер түрлі себептерді алға тартып, енді қарыздарын біртіндеп өтейтіндіктерін айтты», — дейді Солтүстік Қазақстан облыстық ішкі істер департаменті Көші-қон полициясының бастығы Еркетай Тұтқышев.

Үшкіндік барысында іздеуде жүрген 33 борышкер табылды.