Ішкі істер вице-министрі Петропавлдағы оқиғаның қалай болғанын айтты

Ішкі істер вице-министрі Марат Қожаев Үкімет отырысында Петропавл мектебіндегі оқиғаның қалай болғанын айтты, деп хабарлайды JQ-Aqparat.

«13 ақпанда сағат 07.52-де Петропавл қаласының полиция басқармасына №4 орта мектептің оқушыларына дене жарақатын келтіру туралы хабарлама түсті.

Оқиға болған орынға жылдам жедел-тергеу тобы шығып, тексеру барысында сағат 07:40-та рюкзагында балта, пышақ және қолдан жасалған маска салынған 9 сынып оқушысы анықталды.

Ол сағат 07:50-де 2-ші қабатта орналасқан әжетханада маскасын киіп, балтамен дәлізге жүгіріп шығып, 10-шы сынып оқушысының басынан екі рет ұрып, одан кейін 10-шы сыныпта оқитын қыздың иығынан 1 рет және басынан екі рет ұрған, сондай-ақ 9-шы сынып оқушысының басынан бір рет ұрған. Шабуыл жасаған баланы жоғары сынып оқушылары мен мұғалімдер ұстаған.