
Алматы облысының аумағында ірі есірткі зертханасы әшкереленіп, жойылды. Бұл туралы jasqazaq.kz ақпарат агенттігі Polisia.kz сайтына сілтеме жасап хабарлайды.
Алматы облысында ішкі істер министрлігі мен Ұлттық қауіпсіздік комитетінің бірлесіп жүргізген арнайы операциясы кезінде есірткі әзірлейтін ірі зертхана табылып, жұмысы тоқтатылды. Операция барысында күштік құрылым өкілдері зертхананы тінтіп, 30кг «мефедрон» психотроптық затын, есірткі өнімін дайындауға қосатын бір тоннадан астам химиялық реактив тәркіленген.
Осы факт бойынша ҚР Қылмыстық кодексінің 297-бабының 3-бөлігі бойынша сотқа дейінгі тергеу әрекеттері басталды.